Primis omnium Aegyptiis anima hominis immortalis
esse visa est. De anima autem haec dicunt: intereunte
corpere in aliud animal anima intrat: circuitu per
omnia terrestria animalia et marina et volucria
absoluto, tum rursus in hominis corpus redit: circuitus
autem ille tribus annorum millibus absolvitur. Hac
vero sententia nonnulli e Graecorum philosophis
postea usi sunt.